Kategorien
Neuste Posts
Neuste Kommentare
Neuste Bilder
IMG_5933 IMG_5911 IMG_5904 IMG_5902 IMG_5896 IMG_5895

Bodensee Rundfahrt: Tag 3 – Bregenz nach Kreuzlingen

09 Jun Bodensee Rundfahrt: Tag 3 – Bregenz nach Kreuzlingen

Üse letschti Tag, die letschte Kilometer, denn hemmer’s gschafft!

Am Morge wieder bi Ziitä ufgstande, simmer kurz es Vorarlberger Frühstück go esse -ui, das isch viel gsi- und denn hemmer vo Bregenz s’letschti Stuck zrugg uf Krüzlinge a packt.

Noch Hard isches zimli grüen worde. Es Naturschutzgebiet Gründer Damm hemmer befahre wos zimli luftig aber immerno sehr schöne gsi isch. Langsam hemmer üs de CH-Grenze gnöcheret und sind denn schlussendlich au in Rheineck zrugg ide Schwiiz acho. Wunderschön am See entlang isches noch Rohrschach gange. Nochere kurze Fotisession simmer wiiter noch Arbon.Döt hemmer denn e chlini Pause gmacht und üs mit Nahrigsmittel gstärkt.

Denn simmer wiiter am See entlang noch Romanshorn. Die Strecki kennemer, die hemmer mol miteme Tandem gmacht und während em SlowUp 2012. zKesswil hemmer kurz bide Familie Egger (Fabian, Bruna & Julia) halt gmacht und hend ghofft sie seget ufen Kaffi ume. Leider sinds grad zKonstanz am pöschtele gsi, nöd wiit weg vo üsem Ziel.

Aso simmer wiiter -ohni Kaffi- und hend s’letschti Stuck uf Krüzlinge gmacht. Bhuu… bi Ziite simmer a üsem Ziel acho und hend so üses chline Sport-Projektli beende. Kurzes Team-Foti im Ziel gmacht und denn hemmer üs doch no schnell mitem Fabian, de Bruna und de Julia zKonstanz ufen feine Coup und Kaffi troffe!

Karte Teil 3_1 Karte Teil 3_2

Mir hend super schöni drü Täg zemme gha. sWetter het mitgspielt und mir hend üs, dNatur und de schöni Bodesee i volle Züg chöne gnüsse. Mir chönd die Strecki absolut wiiterempfehle!

No Comments

Post A Comment