Kategorien
Neuste Posts
Neuste Kommentare
Neuste Bilder
IMG_5933 IMG_5911 IMG_5904 IMG_5902 IMG_5896 IMG_5895

Bodensee Rundfahrt: Tag 2 – Meersburg nach Bregenz

14 Mai Bodensee Rundfahrt: Tag 2 – Meersburg nach Bregenz

Guet usgschlofe het üse Tag hüt Morge am 8i agfange. Nocheme üpige zMorge im Hotel, hemmer üs wieder uf dStross, nöch am Seeufer richtig Friedrichshafe gmacht. Noch afängliche Fudischmerze, het üs dSunne doch recht motiviert zum i dPedale trete.

En wunderschöne Tag het sich ahkündet. Sunneschii über üs und mir direkt am Bodesee. Gege de Mittag simmer denn au i de schönä Hafestadt Friedrichshafe acho. Gschnell üsi Velo anen Baum fest gmacht, simmer de Promenande entlang und is Eint oder Ander lädeli gschländeret. Am Hafe une hets en Turm gha womer dUssicht uf de grossi Bodesee het chöne gnüsse. Natürlich hemmer üs da nöd entgoh lo und sind ue gstige. dUssicht isch lang und mir hend de wiiti Weg am Seeufer uf de andere Siite chöne bestuhne. Isch doch no e beträchtlichi Strecki womer zrugg gleit hend.

Nochere verstärkig im Backwerk isches denn aber wiiter gange noch Lindau. E wunderschöni Inselstadt. Bevor mer jedoch uf dInsle gloh wird, wird mer am Bahnübergang uf e Geduldsprobe gstellt. Gfühlti 2h hemmer müesse mit rund 30 anderne Velofahrer (hauptsächlich >50 Johr) am Bahnübergang warte. De einzig Weg, wo uf dInsle führt.

Lindau, e sehr schöns Städtli ufem See, kombiniert miteme strahlende, sunnige Tag. Nochdem mer üs für es Café entschiede hend, hemmer üs en „Schocko Becher“ gönnt.

Glade mit neuer (Zucker-)Stärki, isches wiiters nach Bregenz gänge. Drü Länder, ein See! Am 4i simmer im 3. Land, zÖsterrich in Bregenz acho. Es isch merklich schwieriger, es geeignets Hotel i de grössere Stadt zfinde. E bizli versteckt, hemmer den es Ibis Hotel im Zentrum gfunde. Kurz icheckt, duschet und parat für de Znacht gmacht, simmer nochli dStadt go erkunde. Immer nach Usschau nocheme guete Restaurant, hemmer üs für es japanisches Sushi Restaurant entschiede. Es wirbt mit em grösste Sushi Runway. Und tatsächlich, sSystem überzügt ab de erste Minute. En Tisch direkt nebet em Laufband mit japanische Leckereie zum sich endlos bediene! All you can eat für knapp 18€/Person.

Nochdem mer üs wortwörtlich dBüch vollgschlage hend, simmer zrugg as Seeufer de Sunneuntergang go gnüsse. Echt fantastisch sonen See!

So hemmer üsen super Tag usklinge lo. Zrugg im Hotel hemmer üs mit em Rucke uf sBett flüge lo -uf de Buch ligge schaffemer no nöd- und üs ufs Nächtige vorbereitet. Schliesslich hemmer morn de letschti Teil vo üsem Projekt: Rund um de Bodesee vor üs.
Insgesamt hemmer hüt ca. 55 km zrugg gleit. De grössti Teil folgt morn mit ca. 80 km.

Karte Teil 2

En wiitere Bricht folgt.. Guet Nacht! Zum Tag 3

No Comments

Post A Comment